Monday, 13 June 2011



കവിത 
ഒട്ടകം 

പ്രസവിച്ചപ്പോള്‍ 
ഞാന്‍ ഒട്ടകമാണെന്നു അമ്മ പറഞ്ഞു .
അതുകൊണ്ട്  അമ്മയെന്നെ ആട്ടിയകറ്റി,
മരുഭൂമിയിലേക്ക് വിട്ടു 
വീട്ടിലെ  സകലഭാരവും 
മുതുകില്‍ വച്ച് തരാനും മറന്നില്ലമ്മ.
കാലങ്ങളോളം ചുമന്നു ചുമന്നു......
മരുഭൂമി മുഴുവന്‍ ചുറ്റിത്തീര്‍ത്തു തീര്‍ത്തു
വീട്ടിലെത്തിയപ്പോള്‍ 
അമ്മയും സഹോദരങ്ങളും  ചോദിച്ചു .
ഒട്ടകത്തിനു വീട്ടിലെന്താ കാര്യം? 
വല്ല മരുഭൂമിയിലേക്കും  പൊയ്ക്കൂടെ?
ഞാനിപ്പോഴും മരുഭൂമിയിലാണ്.

No comments:

Post a Comment